傅穎諗頭多多 設計多元化

藝人傅穎（Theresa）對設計非常有興趣，曾設計figure、T恤及戒指。她說：「我細細個讀小學已經好鍾意上美術堂，成日將所有功課趕頭趕命咁做晒，想自己有多啲時間畫畫。以前細個好多作品都有登過喺校刊，除咗畫畫，仲有文章同一啲手作品。」當日她畫的公仔Pigsa，能夠夢想成真變成一個figure，令她有很大滿足感。Theresa說：「當年我出書有畫開公仔，有一年決定將個公仔統一化整成一個人物，代表我去講古仔，就將佢叫做Pigsa，之後我覺得係咪可以做figure？就幾大膽咁去嘗試，誤打誤撞咁搵人幫手。舊年又為Pigsa畫咗個男朋友Dreamy，又整埋figure。」
傅穎希望開畫展，將腦海中所想的一切呈現人前。
傅穎希望開畫展，將腦海中所想的一切呈現人前。

Theresa設計的戒指因反應好，想再設計頸鏈，但她笑說：「我好驚啲粉絲吃不消，我不停咁設計出自己嘅嘢，但我都想每一年有一樣自己設計嘅作品推出。其實咁多年我畫咗好多畫，又出過幾本書，我有諗過會唔會有機會做一個畫展，或者等我將啲畫再整理好，睇吓點樣呈現畀大家睇，希望有一日做到，呢個都係我夢想。」

傅穎早前設計的戒指大受歡迎。
  • 傅穎早前設計的戒指大受歡迎。
Pigsa不再孤單，因傅穎為她設計了男朋友Dreamy。
  • Pigsa不再孤單，因傅穎為她設計了男朋友Dreamy。