組合SiS樂印姊妹昨日為2月底舉行的首個售票音樂會舉行記者會，獲好友何浩文送上自家製特大飯糰支持。兩人表示首次開騷心情緊張，本月初得知有期開騷後，姊姊駱胤樺近兩周不停肚屙，笑言希望可以趁機減肥。
她們透露是次音樂會將大玩Acappella，亦會獻唱其他歌手如周柏豪的作品，妹妹駱胤鳴明言想邀請柏豪擔任嘉賓，惟對方4月要開騷，故未知會否成事，胤樺則想邀請媽媽睇騷：「想佢見證究竟我哋平時係做啲乜。」她們又表示日前凌晨時分在石崖上拍音樂會海報，令媽媽很擔心。
