陳明恩搞聯合國婚禮
藝人陳明恩去年與排舞師男友鄭獻訂婚，昨日宣布將於下月25日在港舉行婚禮，她笑言親友會從日本、美國、菲律賓和台灣等不同地方來港到賀，如同舉行聯合國婚禮！
香港貿易發展局主辦的第48屆「香港時裝節秋冬系列」昨日開鑼，今屆活動以「Hall of Games」為主題，陳明恩昨日連走兩場睇騷，並穿上有份參與活動的設計師Walter Kong和Jessica Lau設計的Blind by JW紫藍色印花連身裙亮相。她笑言從小到大都不懂配襯衣飾，大會安排她睇騷正合其心意，所以特意來捧場。
婚後唔急生B
陳明恩透露將於2月25日與排舞師未婚夫鄭獻結婚，長相是外國人、實則在港土生土長的她有中國人傳統思想，尤其尊重長輩，由於不少親友都從外地來港觀禮，她與未婚夫決定不擺酒，把握時間陪親人，她說：「下午搞個西式草地婚禮，有牧師在場行基督教儀式。有啲親戚成10年冇見，我哋商量過決定夜晚唔擺酒，因為擺酒就冇時間陪親戚，所以夜晚淨係會同親戚食晚飯。親戚來自日本、美國、菲律賓等，十足聯合國婚禮！（婚後立即生B？）冇咁快，過吓二人世界先。（婚後做家庭主婦？）婚後會繼續做嘢，依家拍緊《老表3》，結婚前就啱啱拍完，旅行後會拍另一部劇。我識啲夫婦朋友都係Dancers，婚後一齊努力工作，一齊做家務，覺得好好，所以冇諗住停。」
文：名人組