衛詩雅向張繼聰學戲

日前衛詩雅、譚小環、姜皓文及羅蘭等在南生圍拍攝電影《告別之後》，衛詩雅透露跟張繼聰飾演夫婦，兩人的女兒患有血癌，是一套悲劇：「拍嘅時候啱啱係聖誕同除夕，人哋就開開心心咁過，我哋就好傷心。」詩雅並非首次飾人母，但也有向人父張繼聰請教：「其實我接呢套戲其中一個原因係想同張繼聰再合作，之前同佢拍過喜劇，佢好犀利，我想知如果佢拍悲劇又會點，佢喺鏡頭後好搞笑，但一開機就投入到，佢係一個好多諗頭嘅演員。」