張兆輝夜踩砵蘭街廉價掃黃
由藝人張兆輝及甄詠珊等演出的掃黃題材網絡電影，前晚於砵蘭街取景。飾演差人的張兆輝與下屬甄詠珊等拉隊進行掃黃行動，現場有十多名特約女演員，個個露肩及着短裙扮演流鶯，幾可亂真，竟吸引不少男途人上前向演員問價。眾人由傍晚開始拍至凌晨時分，過程順利。
藝人張兆輝談到今次接拍以掃黃為題材為電影故事，覺得別具教育意義，提醒眾人小心網絡陷阱，為支持新進導演而不計酬勞接演，張兆輝說：「差人角色做得多，負責掃黃係第一次，喺砵蘭街排戲時冇擺機出嚟，街坊以為有事發生！（有冇被流鶯撩？）冇！但拍我喺車內嘅鏡頭時，架車周圍行我就見到囉！（有冇見到被問價？）都冇！其實現場都幾多人，導演控制途人都有難度。」
第二次偷師
同場的甄詠珊表示拍攝過程沒遇過「陀地」：「劇組人員安排得好好，拍攝前喺現場都傾好晒，我哋拍得好安心，仲安排咗十幾位姐姐仔扮企街，佢哋好專業，場面好逼真。」第二次與張兆輝合作的甄詠珊大讚他說：「輝哥好好人，我哋之前合作過，今次再遇番，佢仲記得我。輝哥係前輩，佢對後輩好好，又教我走位，同好大方分享拍戲經驗。」
客串為還債
張兆輝透露完成電影後尚未能「收爐」，原來要還人情債：「因為苗僑偉想我幫手客串無綫劇《使徒行者2》，所以拍埋先收爐！（還人情債？）平時我唔會客串，但為咗三哥（苗僑偉）先破例。」
文：影視組