有傳樂隊RubberBand的鼓手泥鯭近日向圈外女友求婚成功，他日前更在社交網甫相放閃，相中見泥鯭捉着女友的手晒求婚戒指，非常恩愛！泥鯭與女友向來低調，就算出街拍拖亦不會拖手仔，所以對於求婚成功，他回覆本報時只表示多謝大家關心，但私人事不欲多談。
至於泥鯭的隊友雖然未有代他證實喜訊，但亦紛紛送上祝福，結他手阿偉說：「如果係真，我就一定恭喜佢，始終都係開心事，佢咁大個人，佢識得處理(口架)喇，係點都好，好戥佢開心。」主音6號就以短訊回覆：「他一貫低調～不想講太多私人事，做隊友除了恭喜，還是恭喜。」