雨僑帶阿婆袋闖神秘「百慕達」
藝人雨僑早已是知名網紅，但這次她上載的短片並不是關於美容扮靚心得，而是講述她被困「百慕達三角」的經歷，嘩！百慕達出名經常「出事」，不少船隻和飛機在那裏離奇失蹤，唔通雨僑慘遇不測？
梗係唔係，雨僑其實是為ViuTV節目《籌旗》任嘉賓到蠔涌片場開工，卻常與外界「失聯」，她說：「節目喺蠔涌片場拍攝，呢度係收唔到電話，你就好似與世隔絕，去咗百慕達三角咁！不過我帶咗『阿婆開工袋』，裏面有書、水壺、茶包，可以消磨時間，打醒精神！」雨僑更準備充足到自備生果，她說：「呢度有一大袋水果，有提子、香蕉，呢啲都係食完好易處理，果皮唔會周圍都係嘅水果！」
網友對於雨僑這次「一反常態」的分享均讚不絕口，有網友對於她用「百慕達三角」來形容電話網絡覆蓋欠佳的地方，均表示好搞笑。有網友則對雨僑的阿婆開工袋很感興趣，報以一句：「好毒又好正」，亦有網友表示想睇雨僑正正經經講心路歷程：「期待你拍多啲心靈分享」，雨僑則回覆：「我努力再拍多啲！」
VLOG《籌旗》拍攝歡樂日常
https://youtu.be/b7h3g4FQHbQ