拎唔起西瓜 岑日珈無力承父業

岑日珈（Angie）昨日出席活動，她表示父親已退休，所以會陪她工作。問到為何不接手父親的生果舖？她笑說：「我怕我做唔嚟，爸爸咩都親力親為，摸一摸就知個西瓜有心臟病，一開會爆晒啲水出嚟。我哋賣嗰啲西瓜又大隻，我好難拎起。」提到父親指她天氣冷仍穿短裙，Angie就自爆去泰國拍戲後放鬆不少，現在食量驚人，更肥了近30磅，所有長褲都穿不下，但她否認懷孕，又表明沒有男朋友。她指想效法鄭欣宜做肥妹仔歌手，覺得自己圓潤一點比較可愛，不過之後仍要拍戲及有代言工作，因此要努力收身。