鄧月平唔做花瓶 新戲被虐險亡

有「巨胸翠如」之稱的鄧月平（Larine），昨日出席由鄭丹瑞（阿旦）執導的電影《小男人週記3之吾家有喜》之拜神儀式，阿旦更帶同兩名女兒鄭瑤及鄭珉到場。Larine坦言感激阿旦大膽起用她，並透露正拍攝另一套電影，在戲中被逼良為娼：「都幾大尺度，我喺戲中畀人無限虐待。（戲入面要被強姦？）未至於，但勁過畀人強姦，我差啲喺片場身亡。劇本冇呢場戲，係臨時加，我即刻打畀經理人問公司有冇幫我買保險，場戲喺我身上綁爆竹同淋火水。導演話你喺我心目中係花瓶，所以畀個機會我做唔係花瓶嘅角色。」