傅嘉莉5位數利是氹長者
藝人黎耀祥、傅嘉莉及無綫賀歲劇《財神駕到》一眾演員，昨日在筲箕灣與逾12,000名街坊食盆菜團年。提到有份演出的《乘勝狙擊》亦快將播出，傅嘉莉即笑謂：「如果睇我睇到厭，係成功嘅一步！」又透露成立了義工團：「叫『傅』出愛義工團，成立咗一年時間，外出咗12次。」她表示農曆新年前會向長者派物資及利是，問到墊支多少錢，她說：「淨係利是有五位數。」
祥仔想見囝囝食閉門羹
而黎耀祥則透露農曆新年期間會到美加登台，問會否順道探囝囝？他說：「我去東岸，佢喺西岸。本身諗住飛去西岸探佢，但佢話唔好搞佢，話又要特登同我食飯，自己又要上堂做功課，想見吓都唔得！」不過他補充去年九月有探過囝囝：「當時佢有陪我，但我發現自己阻住佢做功課同返學。」
文：影視組
