郭羨妮雞年追B 囡囡反對
靚媽郭羨妮和爺爺級廚神李家鼎昨日在活動中合力炮製團年飯，令觀眾食到「Lam Lam脷」！而郭羨妮自爆今年打算「造人」添丁，雖然與老公有共識，卻遭到四歲囡囡強烈反對：「佢話會搶咗佢張椅！」
藝人李家鼎（鼎爺）和郭羨妮（Sonija）昨日在觀塘出席「apm《金雞報喜迎新春》團年飯」活動，新鴻基地產（中國）董事馮秀炎亦有出席。Sonija在活動中自爆計劃今年生第二胎，她受訪時說：「同老公（朱少杰）傾過，發現家庭計劃重要啲。（問過囡囡？）有問，佢以前話要細佬妹，但依家唔要，話會搶咗佢張椅喎！（老公會配合？）佢話要(口架)嘛，佢梗係要配合啦！（想追個仔定女？）本身已經有個女，所以都想下個係仔，但女都冇所謂。」並表示今年會花時間調理身體。提到農曆新年臨近，她透露會與老公留港放假。
得閒先陪女友
Sonija在台上與鼎爺一齊煮團年飯大顯廚藝，更令有份品嘗的觀眾大快朵頤。提到與譚玉瑛主持的無綫節目《阿爺廚房》大受歡迎，鼎爺坦言未知會否開第二輯。他又表示農曆新年期間工作多，問到能否抽時間陪孫？他即說：「我都想，但冇時間呀！（咁女友呢？）陪唔陪都得，得閒就碰吓頭，唔使搵食咩！」問到會否今年內拉埋天窗？鼎爺即笑說：「呢度冇天窗喎。（講緊結婚呀！）順其自然啦，依家目標係搵多啲錢，買間靚啲嘅屋。」其子李泳豪亦有出現撐場。
文：影視組