陳寶珠唔想紮胸 恨演女角
陳寶珠昨日出席個人畫冊簽名會，半百粉絲到場支持，早前推出限量一千本的精裝本已售罄，寶珠渴望加印：「再版再再版！（再出第二本書？）唔會，寫晒喇！（收埋其他珍藏泳衣照？）我係得咁多張咋！」她說大年初一會帶備糖果、冬菇到師傅白雪仙家中拜年，問到有否送書給仙姐？她笑說：「送咗，聽講佢睇咗，但我唔敢問意見，佢唔答我心唔舒服，佢答又唔知會問我咩。」
反串小生迷倒一眾戲迷的寶珠，笑言恨演女角：「我扮男仔好啲，做女仔角色就未夠溫柔。做戲就要嗲同女人味，我從來唔識嗲人。我好恨演女仔，可以黐眼睫毛、扮靚，唔使紮胸，不過粉絲多數鍾意我做男仔，女仔扮男仔令我有味道。」她又盛讚戲迷忠心，為了給她送機，不惜在其寓所樓下等通宵：「整張假囍帖同家人講去做姊妹，其實係等我，節衣縮食，七、八個人逼的士追我車。」
