筱靖帶趙哲妤去泰國還神

藝人趙哲妤（Uny）與筱靖感情要好，早前Uny於馬來西亞工作時早產誕下女兒Natalie，令筱靖「陣腳大亂」，未能放下原定工作前往探望，非常擔心好姊妹。幸Uny得筱靖的當地朋友相助及照顧，安然坐月，待女兒滿月後才返港。

準備送玉牌

最近筱靖趁有空檔，即飛往馬國探Uny兩母女。身為BB契姨媽的筱靖，特別請攝影與Uny兩母女影「全家福」，筱靖說：「第一次見BB，好乖女，佢影相時好聽話，又識笑。（送咩禮物？）我諗住返香港後，會揀一個靚嘅玉牌送畀Natalie，最緊要佢平平安安，健健康康長大。」

唔會亂食嘢

由於Uny之前以旅遊身份到馬國，因早產需留於當地坐月，至今已差不多一個月，其旅遊簽證快將到期，筱靖只好帶Uny到鄰近的泰國「走一轉」，再入境以便續期留在馬國。兩人順道在泰國拜四面佛還神，筱靖說：「佢個簽證到期咪出一出境囉，順便去泰國還神，我哋年年都去。（佢坐月都出去，怕唔怕影響健康？）其實佢身體喺坐月期間好好，冇嘢。我哋喺泰國冇亂食嘢，而且我朋友都照顧得Uny肥肥白白o架。」

兩人誠心跪拜，祈求BB女快高長大。	筱靖（右）專誠請了攝影師影「全家福」。	趙哲妤不敢在泰國亂食嘢，以免影響健康。

文：影視組