以前我哋會用童顏巨乳嚟形容嗰啲個樣生得細個，卻擁有激凸雙峰嘅美女。隨住「萌」呢個字嘅出現同普及，家陣會用萌系巨乳嚟形容佢哋，而且仲多咗份可愛嘅感覺，講到萌中之神，不得不提南韓超人氣車模金美娜。
話個女仔樣子好萌，即係指佢青春可愛，若然升格做萌神嘅話，可愛味道更係無人能敵，足見獲得萌神美譽嘅金美娜，其樣貌有幾咁可愛。於首爾出生嘅美娜，身上仲有矚目焦點，就係激凸上圍，試問有邊個男士唔會被佢迷倒吖？雖然佢擁有如此出眾嘅外形，但佢唔係一開始就從事模特兒工作，畢業後佢做過OL，不過性格佻脫嘅佢，覺得辦公室工作太過枯燥乏味，喺一次偶然機會下，佢被Model公司睇中，從此展開模特兒生涯，2013年嘅大邱街頭車展係佢首次以車模身份登場，呢次處女演出，令佢紅遍網絡，更被網民冠以巨乳萌神美譽。一舉成名後，美娜不但成為車展嘅常客，更喺賽車比賽中以賽車女郎身份示人，當然成為全場焦點啦。隨住人氣愈嚟愈高，美娜獲得唔少拍攝廣告嘅機會，同時佢亦參與MV演出，發展相當順利。
演出MV之後，美娜喺電視亮相嘅機會愈嚟愈多，而曾經學過唱歌嘅佢，最近更演出音樂劇添。有人覺得如果佢早啲加入模特兒界嘅話，相信家陣嘅發展會更好。美娜表示今時今日喺模特兒界發展成績唔錯，而令佢有咁積極嘅工作態度，係受到以前做OL影響。當時喺辦公室工作嘅佢，每日過着規律性嘅生活，養成早睡早起，以及預先安排工作計劃嘅習慣。但係佢覺得刻板工作並唔適合自己嘅性格，佢笑稱個人比較古靈精怪，加上辦公室嘅同事好嚴肅，對於佢整古做怪嘅事，好似喺窗前放盆栽、喺廁所內播放音樂嘅行為，感到不滿。當時佢就擔心，如果自己喺辦公室工作多幾年後，就會變成同佢哋一樣，幸好當時出現轉做模特兒嘅機會，於是佢決定一試。事實上，唔少同美娜合作過嘅攝影師同工作人員都覺得佢係一個鍾意將歡樂散播嘅人，甚至有人覺得佢適合演出喜劇添！隨住佢參演音樂劇後，相信呢個機會唔使等好耐。
簡介： 金美娜最初予人勁萌形象，當佢喺車展上以性感造型登場後，胸前澎湃嘅魅力，即時撼動男士嘅心，加上佢天真甜美嘅笑容，名副其實係巨乳萌神！想了解佢多啲，就要Click上其IG啦！
網址： https://www.instagram.com/alsdk1124/
出生地：首爾
身高：168cm
三圍：34、23、33
撰文：魂