周秀娜「木乃伊」救膚有面見人
藝人周秀娜近日受天氣變化影響出現皮膚敏感，面部又紅又腫，嚇得她立即求醫，社交網上載「木乃伊」相看似嚴重。幸好她昨晚出席公司晚宴時已回復美貌，笑言今次Dry到出面！
女神周秀娜出名樣靚身材正，但近日面部卻出現皮膚敏感，令她大受困擾！她前晚在社交網上載一張做濕裹療法、面敷藥膏的急救相，見她全「面」覆蓋，猶如木乃伊一樣，令人擔心，她亦留言：「皮膚過敏，好癢！戒辛辣酸性酒精海鮮。」
昨日，周秀娜與周柏豪、鄭欣宜、唐紫睿等出席「hmv數碼中國集團盛大周年晚宴」，幸好見周秀娜已無恙，只是心口位置仍有紅印。她透露日前喝了點酒，搞到晚上面部又痕又腫難以入睡：「醫生話應該係天氣轉變，係空氣引致敏感，介紹種療法畀我，係將藥膏搽入濕紙巾敷面，今次真係Dry到出面！（搵個男友滋潤吓？）如果空氣問題，佢都保護唔到我！（想個男人保護你？）每個女人都想有人保護嘅。」對於有指何佩瑜因資源分配問題將離開公司，周秀娜說：「公司資源個個都有，老闆想個個藝人都好嘅。不過如果佢有新目標係好事，祝佢一切順利。」
張智霖演變態肢解狂
同場還有張智霖身穿皮褸型爆出席，他透露稍後將拍攝邱禮濤執導的新片，需要拍攝肢解場面：「我叫咗導演唔好輕輕帶過，要好仔細咁拍，畀我變態一次。」身穿紅色低胸長裙到場的胡杏兒表示今年預定五位數派利是，提到好友姚子羚傳婚訊，她說：「我梗係想，我仲要做姊妹！唔畀佢男友蝦佢，但好錫佢唔會嘅。」
另外，張建聲即場簽約宣布續約公司，他表示今次續約五年：「蕭定一帶我入行，畀我好大自由度。（滿意薪酬？）夠養家、夠交租、夠養阿媽啦！」
採：影視組
文：專案組