王菀之忙排舞心臟病發作

張敬軒跟王菀之攜手舉行的《The Magical Teeter Totter》下月中開鑼，連月來兩人積極排練，Ivana更花了近半年時間操練準備，早年曾經自爆有心臟病、先天少了一塊心瓣的她，昨日在社交網留言：「因心臟病，過去半年做gym，教練指我體能差到要先做復康……好不容易fit咗開始相信自己除咗骨同肥膏原來真係有幾組嘢叫肌肉，終於可以training加狂跳舞，跟住肌肉受壓受傷，醫生話不能拉筋不能舉重不能久站、不能穿高跟鞋、不能受壓……」結果復康療程重啟，她似乎有點沮喪：「究竟有乜嘢可以show到畀大家睇，係藥箱定首飾箱？」不過她仍打趣說：「唱歌暫時冇出事。」

條氣唔順

Ivana昨日透露其心臟病沒有大礙，只是最近忙於排舞、做gym，可能筋骨未ready，心臟受壓有少少痛，她笑說：「我諗住打畀軒仔搵佢慰藉吓，點知佢話：『痛吓仲快啲瘦！』畀佢搞到激心。」可能連月來操練，她說平日比較易攰，有時會成身痛：「抖氣時條氣唔係好順。」軒仔知道Ivana個心有事，他說：「我會好好關心佢，目前佢冇咩影響，我都知佢呢輪好辛苦，要排演唱會舞步，我會煮吓嘢畀佢食，多啲關心佢，又會叫佢老公對佢好啲，大家唔使擔心。」

王菀之勤於操練，不但周身痛，抖氣更唔順。

王菀之搵張敬軒慰藉，點知畀佢激親！

MJ胃潰瘍

此外，樂隊Mr.結他手MJ（譚傑明）昨日也在社交網自爆身體不適，今年生日沒有慶祝，胃痛多時前天去照胃鏡，原來患上胃潰瘍，他留言：「冇惡性病變，嚇死我，阿彌陀佛，主要成因是壓力過大，做創作係咁(o架)啦！戒口一個月，多謝大家關心，2017年小弟可以繼續搏殺！嚇死朕。」歌手張惠雅亦因腸胃不適到東涌急症室求診，並在網上留言：「無間斷去廁所，手軟腳軟。」不過，她大讚救護員好好。

文：音樂組