黃百鳴犯禁爬過金字塔！

身為《九》片投資者的黃百鳴，昨晚出席晚宴時被問到可知道鄭嘉穎的情況？他表示嘉穎和陳果已離開警局，陳果昨日只是回去辦手續：「出晒嚟，嘉穎亦都唔返去拍，陳果都返緊嚟。（有冇手尾？）冇，會繼續拍，香港部分會拍到年底，澳門仲有幾日戲，場地一早訂落，只係申請警局個位只批門口拍，唔批入面拍。你知啦，八、九十年代嘅導演為拍片效果好，申請唔成功都會偷拍，明明只喺門口拍又偷雞入去拍，人哋唔畀、唔批仲要偷拍係唔啱，係要道歉！（之前拍落嘅片會再用？）未知畀唔畀。（仲會返警局再拍？）唔使再拍！人哋唔畀拍，陳果係應該道歉，就算我同佢講咗，下次佢都唔會理！（扣導演費？）佢為部戲啫！（之後再申請會更困難？要額外附按金？）其餘部分已申請，所以冇問題。」