邵珮詩「日本通」做導遊

前港姐邵珮詩（Veronica）早前與朋友飛往東京旅行5日，旅程中不忘穿和服留倩影。身為「日本通」的Veronica帶同朋友四圍去，她說：「之前學過日文，基本嘅日語我都冇問題，係讀中學嗰陣學嘅。今次唔係同屋企人去，所以好多嘢都要自己計劃。第一日我哋就去着和服，着完之後大家都話好靚！今次我都覺得自己好叻，冇靠日本朋友，自己做晒資料搜集。」
邵珮詩穿上和服遊東京，個個都讚靚！
邵珮詩穿上和服遊東京，個個都讚靚！

Veronica與朋友在當地行到攰時，竟到百貨公司試坐按摩椅「叉電」，她說：「去咗百貨公司試坐按摩椅，仲用埋佢個腳用嘅震震機，唔知係咪太舒服，我差啲瞓着咗。我有個朋友叫我望過去，畀佢影咗張相！」

行到攰的邵珮詩試坐按摩椅叉電。
  • 行到攰的邵珮詩試坐按摩椅叉電。