李旻芳愛犬為情犯險

藝人李旻芳（Lucy）飼養了兩隻10歲的金毛尋回犬，一男一女，分別叫BB和妹妹：「BB已經絕咗育，因為怕佢哋生小朋友，同埋絕育會健康啲。佢哋好乖，咩都識，係唔識扮死。」她指BB比較黐身：「妹妹就鍾意黐食物多啲，有嘢食就會跟人走！（佢哋平時玩咩？）最鍾意游水同玩波波，有次去籃球場，有班後生仔打緊波，有個波跌咗出場，妹妹就追個波，當個波碌返入場，班後生仔以為妹妹會追佢哋，即刻跳晒入草叢裏面。」她又笑指BB曾為情置身險境：「佢喺狗社區裏面有個女朋友，嗰次佢喺對面馬路見到女朋友，就即刻衝出馬路，平時佢都好聽我指揮，但嗰次就情不自禁，好彩架的士停得切。」