蔣怡身教囡囡黑美學

名模蔣怡（CoCo）早前出席首飾品牌justgold鎮金店25周年活動，即場獲發「真女人」獎項。去年遠赴藍帶法國廚藝學院修讀九個月課程的她，為追夢而放下當時剛一歲的囡囡，被指不負責任，對此她永不言悔，她說：「有人話我最錯嘅決定係離開個囡，但如果我冇過到去就會遺憾。結咗婚有小朋友仲追求夢想係任性，但如果唔去我驚遲啲會後悔，老公了解我，幫我聯絡學校『逼』我去，有屋企人支持唔任性就唔抵，哈哈！」她續指現時最大樂趣是與女兒一同「下廚」，並希望能推出個人食譜和拍攝飲食節目。