陳敏之全職奶媽 湊仔似打仗
「索腿天后」陳敏之榮升媽媽後盡顯母愛，冧爆表示現時眼中只有BB一個，全職做「奶媽」的她坦言坐完月便開工，積極進補調理身體。
去年冬至誕下7磅多兒子的陳敏之，一直忙於照顧愛兒，故敏之早前特別請攝影師上門拍攝一輯母子寫真！相片中的敏之與BB頭貼頭，又用雙手抱實兒子勁溫馨。敏之坦言感覺很幸福：「自己有埋身餵人奶，親子感覺好Sweet！依家冧嘅程度係好嚴重，我直頭畀個仔冧暈咗，我嘅世界入面只有佢。」
問到湊仔時有否雞手鴨腳？敏之笑言屋企十足打仗feel：「好彩好多人幫我手，有媽媽、工人、陪月同老公，比我想像中冇咁辛苦。不過囝囝身體太軟，未敢同佢沖涼驚整親佢，頭一個月畀陪月姐姐沖，我就從旁睇住、學吓，依家嘅職責係『奶媽』餵奶，都要休養、進補吓。」
扮「穌」蝦 未改名
提到BB照有一張高難度的翹手、翹腳照片，敏之說：「呢個籃係我專登揀，好似耶穌喺馬槽出世嘅感覺，自己好滿意呢輯相，好真情流露。」冬至出世的BB被改花名「雷冬至」，問到是否已幫BB正式改名？她坦言未改：「等爸爸改，依家有好多花名。」敏之還在微博上載生BB前後的照片，坦言新一年的願望是兒子快高長大，有個開心快樂的童年，她坐完月便復工開劇。
文：影視組