歌手陳柏宇昨日到電台受訪，表示12月31日倒數要到內地工作，不能陪女友，他稱已預計女友當日會如何慶祝：「佢嗰日有朋友生日，應該會喺卡啦OK過，早完o既話會再落Club玩。（唔介意佢落Club玩？）唔介意。（識男仔？）佢又唔係追男仔，識異性朋友實會有，如果有人追o既話佢會識避。」
今年工作成績好，問可是豐收一年？陳柏宇說：「年頭出糧時都驚捱唔到年尾，但年尾就好番。（收入OK？）啲糧都夠過活，係一定唔會發到達，都唔會儲到錢，不過我叻在多有多使，少有少使。」
