正在上映的荷里活電影《俠盜一號：星球大戰外傳》（Rogue One：A Star Wars Story）中，劇組以電腦特技重塑年輕的嘉莉菲莎，並由其本人聲演「Hope（希望）」作電影最後一句對白，令觀眾重溫「莉亞公主」在1977年正傳第四部時的音容。有份演出《俠》的「宇宙最強」甄子丹，亦與廣大《星戰》迷一樣，對她離世感到可惜：「我14歲第一次睇《星戰》，好多謝佢建立咗咁經典嘅人物，佢咁後生就離開世上，對《星戰》迷嚟講係重大損失。」
提到電影本月15日在港上映至前日（27日）止，累積票房達約$3,334萬港元，他對成績感到高興：「除咗票房，我都好開心大家讚賞我個角色，出乎意料咁受歡迎。」另外，《俠》片的中文宣傳曲《決絕的信仰》MV曝光，與蕭敬騰合作的他更親自彈奏鋼琴。
另一「星戰迷」古天樂得悉「莉亞公主」病逝消息亦大感突然，並表示：「因為佢係戲中靈魂人物，最新嗰集《星戰》外傳last個鏡頭有莉亞公主出嚟，我仲好期待下一集會見到佢o架，點知會咁突然。我好惋惜、痛心！」