張曦雯賺外快 教化大眼妝
前華姐冠軍張曦雯（Kelly）是模特兒出身，向來對扮靚有研究的她，自言最愛於網上分享化妝心得。談到無綫推出嶄新媒體「BigBigChannel」大台網App，當中熱爆欄目「美容化妝」亦找來Kelly於該平台教美妝。
怕顯老唔畫粗眼線
每個女士都渴望擁有一對精靈大眼，Kelly大方分享自家畫出「大眼妝」的秘訣：「我眼妝化得太濃就會較成熟，望落去好老，所以我唔會畫太粗眼線，否則眼皮會好墜。我本身已經有雙眼皮，所以傾向用啡色同紫色眼影做effect。我仲會用粉紅色胭脂化眼妝，取代深啡色去打陰影。」
期待網上玩直播
Kelly亦笑言化眼妝曾遇「蝦碌」事件，要用「互補」化妝法補救：「我試過冇帶眼影同睫毛液，之後用深色唇膏搽眼蓋，搞到好唔自然！眼睫毛都好重要，喺冇睫毛液嘅情況下，我用眼線筆一條一條咁畫眼睫毛出嚟，畫完就可以返到工！」提到「大台網」用戶可透過程式的「畀花」設定向偶像「送花」，瀏覽量將兌換成Show錢計算，愈多瀏覽會令藝人有愈多收入。Kelly大讚此功能可以賺人氣兼賺外快，更坦言期待與網上觀眾玩直播。
文：影視組
服裝：J.CREW