楊怡認老套 派「羅」字利是封
昨日啟程到上海工作的藝人楊怡，將首度以人妻身份派利是，笑言用「羅」字利是封老套，但亦會準備。同行的朱慧敏擔心上海天氣寒冷和受霧霾影響，已自備120個暖包及口罩以備不時之需。黎燕珊更獲萬綺雯送贈奶粉增強抵抗力，笑言老虎都打低幾隻。
楊怡、朱慧敏、萬綺雯、黎燕珊和張學潤昨日啟程到上海演出舞台劇《我和春天有個約會》。今年與羅仲謙結婚的楊怡將首次以人妻身份派利是，問到是否準備大批印有老公姓氏「羅」字的利是封？她笑言：「咁老套？唔使啦。（咁用『楊』字？）咁羅字利是封一定有嘅，都會準備，夠唔夠派就其次。」對於上海受霧霾影響，她表示準備了口罩：「我都怕空氣唔好會影響把聲，我好易喉嚨痛，都有帶定啲藥同保健產品。」
不捨仔女差啲喊
黎燕珊很感激萬綺雯送贈奶粉，令她增強抵抗力。她笑言：「依家老虎都打低幾隻。」黎燕珊又表示出門時向子女送吻才離開，坦言離開一段時間很不捨得，差點哭了出來。她又稱多得萬綺雯教路，令她演舞台劇更老練，萬綺雯說：「今次佢（黎燕珊）唔係做番自己咁有儀態，佢角色佻脫啲、十三點，情緒大起大落，同埋佢有好長對白要念，唔係咩教路。」
朱慧敏帶120個暖包
此外，朱慧敏亦表示已帶口罩到當地以防萬一：「因為我有鼻敏感，我連潤喉糖都有帶。」她自言最怕凍，故帶了120個暖包到上海：「因為要演出約一個月，唔可以病，出入會小心啲。」
文：專案組