佐治經典金曲無數，當中以《Last Christmas》和《Careless Whisper》最受歡迎，後者在港分別被梅艷芳改編成《夢幻的擁抱》、蔡國權的《無心快語》及甄妮的《忍痛說謊》。
杜德偉曾翻唱《Last Christmas》，他的廣東歌《只想留下》亦改編自佐治的歌曲《Where Did Your Heart Go？》，對於佐治離世，杜德偉感到可惜：「聽到消息好突然，因為佢仲好後生。喺佢仲留緊長髮，第一張唱片仲係樂隊Wham！時已經開始聽。」他感慨佐治留低很多佳作，相信每一年聖誕大家都會記起他。在外國出世的廖碧兒對佐治離世亦感失落：「我細個跳Jazz時係用佢啲歌，佢好多歌陪住我成長。」至於鍾舒漫和妹妹鍾舒祺昨舉行音樂會，特別選唱《Last Christmas》向佐治致敬。