何佩瑜輕輕鬆鬆「衫」部曲

藝人何佩瑜（Jeana）天生一副模特兒骨架，輕易駕馭不同類型的服飾，她認為穿衣之道是不要隨波逐流，今次Jeana率先為讀者示範幾套休閒服，穿上牛仔look的她說：「有時揀衫都會揀特別款式，好似呢件牛仔衫有個大蝴蝶結，下身又襯番條牛仔短裙，成個tone都似，行出街就會好outstanding。鞋方面就boot好過波鞋，仲要揀挺身啲同硬啲嘅。」
黑白tone永遠是無敵配搭。
黑白tone永遠是無敵配搭。

Jeana認為黑白tone永遠無敵，是最不會出事的配搭：「市面上有好多長度去到小腿中間嘅長褲或者裙，貪佢可以遮到鬼祟肉，裙腳有波浪就會顯得更有層次感，所以鞋同襪都揀番黑同白色，記住，係same tone！」至於機場look方面，Jeana指最重要是舒服及凸顯悠閒感覺，她會盡量選擇長或闊的褲款：「坐飛機咁多個鐘，絕對明白有幾咁難受，呢條似裙嘅褲質地好軟熟，上身就襯件少少透視嘅網衫，入面再加多件背心，如果飛機上面凍，就襯多條scaft。」

想搭飛機舒服？着鬆身衫就最啱。
  • 想搭飛機舒服？着鬆身衫就最啱。
Jeana認為簡簡單單的牛仔裙亦可穿出型格。
  • Jeana認為簡簡單單的牛仔裙亦可穿出型格。