劉佩玥茶樓收音 張彥博任人點
藝人劉佩玥（Moon）與張彥博憑劇集《一屋老友記》成為螢幕情侶，以劇中組合「心曠晨怡」Jam歌的短片早前獲網友熱捧，對於無綫推出「Big Big Channel」大台網，這對最佳拍檔雀躍地表示即將大騷Quali！
阿Moon對Big Big Channel充滿期待，她說：「好開心公司開設新平台畀我哋同Fans交流，我雖然唔係音樂出身，但Fans可能鍾意我哋夠自然！（參考吳業坤廁所獻唱夠自然？）我反而想將城市嘅聲音擺落音樂度，可能去茶樓搵茶客啲聲音襯托住唱：『叉燒包，誰愛吃剛出籠的叉燒包？』應該幾搞笑！」
靠Big Big Channel發圍
阿博則索性交由網民話事，他說：「我反而想睇啲網民想睇我哋做啲咩，由佢哋出題，我係人肉卡拉OK，可以行到邊唱到邊，觸景傷情唱首歌咁！（期望大台網嘅豐厚分紅？）多個途徑增加收入係其中一種鼓勵，但我最想多啲同Fans交流，同埋有更多創作空間。呢個平台可以畀我哋Live，直接同Fans交流，我諗我哋可以當小生意咁經營，若果受歡迎，就可以由小化大，發大嚟做！」
文：影視組
