大肚吳若希笑許廷鏗腰粗
歌手吳若希（Jinny）昨日與許廷鏗（Alfred）出席平安夜活動，佗B四個多月的Jinny身穿紅黑裙，驟眼看不似懷孕，不時摸肚的她笑言現時與Alfred同是32吋腰，期間兩人玩湊BB公仔遊戲，Jinny頗為熟手，反而Alfred雞手鴨腳。
日前與朋友到東京旅行的Jinny，透露男友有叮囑她小心，自己亦有忍口沒吃生冷食物：「其實今次都係買BB嘢，同埋買咗個手袋畀未來奶奶。」問她可會出席《勁歌金曲》頒獎典禮？她說：「我依家大肚着晚裝驚唔靚，都唔想咁辛苦，但如果公司有需要都可以出席。」講到叱咤頒獎禮由ViuTV直播，Alfred稱會出席：「我係歌手，係樂壇盛事。（TVB有冇唔畀你哋去？）冇收到通知。（怕身份敏感？）唔會㗎，我係去唱歌，又唔係搞手。」
