羅浩銘單手指上壓
藝人羅浩銘（Ken）身手了得，早前參拍無綫新劇《同盟》，有大量的動作場面，令他大派用場：「第一次同鮑起靜（鮑姐）合作，好興奮，親身感受到佢超卓嘅演技，從旁偷師都學到好多嘢，真係袋咗好多錢落袋。不過最令我意外，係有機會同鮑姐有動作場面，佢仲要開槍拍槍戰戲，真係好犀利。」
Ken與陳展鵬和胡定欣都有不少對手戲，令他最難忘還有搞笑場面，笑言大家都會即場爆肚，但又可以接下去。為裝備自己迎接每個演出機會，Ken做健身和練功保持狀態，最近更增強難度加操單手指上壓：「當然係比掌上壓難好多，要好夠定力，每次大約可以做到十下，希望操多啲會有更好成績。」
