譚凱琪新劇豁出去玩裸體誘惑
藝人譚凱琪繼《致命復活》後，再在新劇《踩過界》中玩突破，今次大玩意識上裸體，更會露背及晒長腿，相當性感！提到聖誕節，她表示不會跟男友過，坦言不太重視節日。
譚凱琪（Zoie）之前在無綫劇《致命復活》中有不少新嘗試，更初嘗吊威吔滋味，縱使大髀扯傷，手指頭又痛足幾日，但就坦言幾好玩！現時Zoie正忙於拍攝同是林志華監製的新劇《踩過界》，劇中她挑戰另一新嘗試，就是飾演形體藝術家，更要大騷身段，拍攝時還要營造意識上的裸體，可謂豁出去，她說：「拍出嚟效果好似裸體，但其實自己着咗肉色超緊身短褲上陣拍攝，同埋有大露背。」
聖誕懶理男友
問意識上會否鹹濕時？Zoie即謂：「拍出來效果好好，加埋啲燈光係好靚嘅，唔會有嗰種感覺，露出大背脊之餘仲會露長腿。」問到聖誕節怎樣過時，她坦言未知要否開工，到時看看家人會否跟她慶祝，問男友怎樣跟她過聖誕時，她只謂：「個個都朋友嚟！（點解唔認有男友？）喺呢一行我哋個個都係朋友。（對方會否詐型？）都唔會，冇問題。」
問到如果同家人過，會否預埋男友？她謂：「我哋大家都有各自嘅屋企人，自己都唔係重視節日嘅人，都冇特別準備點慶祝。」
文：影視組