王璐瑤轉行吸金唔使捱麵包
藝員王璐瑤（Lulu）與造型師許嘉浩（Karl）早前於尖沙咀為美容院擔任開幕嘉賓，獲老闆娘送上VIP會籍，Lulu笑言已屆「中女」，因此會勤做美容去細紋。講到近期甚少現身，Lulu表示正專注美容生意：「都做咗兩年，收入多咗，唔使似以前咁捱麵包，遲吓會搬屋，聖誕會去台灣旅行兼與廠商傾合作。」
而Karl透露聖誕已排滿工作，講到旗下藝人趙哲妤已懷孕九個月，他說：「佢預產期係1月9日，最近已經搬咗去汀九，預約咗喺荃灣開刀生，因為佢怕痛，生十幾個鐘會捱唔住。」他更笑言已為她預備「走佬袋」並隨時候命，當收到電話便會趕赴醫院照顧她。