囡囡一句話黎瑞恩再戰樂壇

黎瑞恩（小恩子）相隔14年再戰樂壇，推出HiFi碟《感恩》，前晚跟大女兒曾凱栭自韓國旅行返港後，即漏夜為歌迷預訂的2千張唱片簽名，雖由凌晨12時簽到清晨4時，但小恩子依然覺得開心，昨日她在電話中表示：「因為阿女寧願唔瞓覺都陪我簽碟簽到近天光，阿女好支持我唱歌，之前仲陪我去錄音。」小恩子更指囡囡是令她「復出」的功臣，因她曾擔心他人對其唱功評價：「但阿女同我講：『媽咪，你唱歌啦，會開心啲』，我就決定出嚟再唱。」問其緋聞富商男友鄭應南可有買碟支持，她哈哈笑：「唔知喎，（佢買夠一千張唱片當牆紙？）咁就唔止買咁少啦。」