傅嘉莉追求新境界歎酒睇劇本

無綫索女傅嘉莉（Kelly）與前港姐冠軍張舒雅、皮草太子爺王大業（Andy）、著名形象指導郭慶彬、從事鐘錶業的高偉國等日前出席灣仔區酒吧DJIBOUTII兩周年「Go Bananas!」慶祝派對，現場布置以香蕉為主題，呼應酒吧猩猩icon。職員除了穿香蕉圖案服裝，又有人扮人形香蕉及猩猩，與場內賓客打成一片。期間有非洲鼓表演及切蛋糕時菲律賓歌手Gil Ravago唱歌助興。

Kelly為支持好友出席派對，自爆第一次飲醉是在模特兒公司得大獎冠軍，但條件是要飲一杯紅酒，她說：「喺台上好多人望住我，我冇可能唔飲，我飲咗半杯，我好快就醉咗，但係happy。人大咗可能壓力大，有時飲吓酒可以relax。」她又稱試過被前輩叫她嘗試飲酒看劇本，有另一番感覺。她稍後會拍攝需要感情強烈的戲份，打算一試。

菲律賓歌手Gil Ravago（左）唱歌助興，與賓客打成一片。	有工作人員扮成「人形香蕉」，配合派對主題。	張舒雅酒量不差，未試過飲醉失儀。

張舒雅「ＢＢ」快出世

Kelly試了香蕉特飲：「個特飲係香蕉加cranberry，我好鍾意cranberry，冇諗過混埋咁好飲，雖然我唔飲酒，但都試咗佢個banana溝whiskey，whiskey係strong嘅wine，但係溝banana帶啲甜味，女仔會鍾意。」

放大圖片	高偉國	DJIBOUTII的兩周年派對，現場擠滿賓客，仲與「猩猩」Selfie留念。

常常與朋友到此酒吧消遣的張舒雅大讚香蕉主題夠特別，提到2017的展望，她透露與妹妹一同合作設計的婚嫁珠寶系列即將面世，是二人第一個「ＢＢ」。她說：「呢條婚嫁珠寶系列係特登開，我平時都有幫屋企人手，妹妹就算係第一次，所以呢條line係我同佢第一個ＢＢ，已經籌備半年，希望成功。」

王大業醉後亂講嘢

另外，Andy大讚酒吧以鮮香蕉製成的酒十分新奇。他說：「細個十幾歲就會醉，醉咗就朋友送返屋企，擔心會自己亂講嘢。依家我去到某個位會控制住，所以好少醉。」提到感情生活，36歲的他直言要努力：「有朋友想試吓相處，但要時間，溝通好緊張，識落都要溝通。」而高偉國表示常常與朋友到此地飲酒放鬆，但自己其實好易醉。

文：名人組