女神雪雪升Cup出嫁

擁有33C咪咪、現年34歲的宅男女神孫慧雪今日「封盤」，與拍拖四年的圈外做生意男友羅天彥（Edwin）在愉景灣舉行婚宴。雪雪昨日公開早前到峇里拍攝的婚紗相，身穿一襲優雅白色婚紗的她手執鮮花，頭披白紗及花環，婚紗設計封胸不性感，以清新取勝。Edwin則怕醜未有「露全相」，兩人Sweet爆鼻貼鼻拍照，戴上婚戒的雪雪幸福滿瀉。

忙到冇時間緊張

雪雪接受訪問時坦言喜歡簡單設計的婚紗，問到拍婚照時有何趣事？她說：「我哋好多時要對望，但大家都忍唔到係咁笑，唔知笑咩！影到好攰嗰陣，佢問我：『由朝早八點望你望到依家，我望完未呀！』」笑指兩人對足全日，互望望到厭！講到待嫁心情，雪雪表示有太多事情要處理，忙到未有時間緊張：「因為愉景灣好遠，好多嘢要搬，乜都未搞掂，可能要靜落嚟先識緊張。（有冇打算表演？）完全冇期待老公有乜嘢表演，我亦冇表演。」 據知婚宴上雪雪的婚紗款式是頗性感的低胸裝，因她最近壓力大要狂食減壓，故「不慎」升Cup，看來屆時效果會比拍寫真時更為Big爆！而為雪雪擔任姊妹的賴慰玲表示今晚要演出舞台劇，只能在早上參與玩新郎環節。

拿着鮮花的雪雪，笑容甜到漏。	雪雪封盤，實令一眾裙下之臣傷透心。	雪雪特別多謝粉絲支持《區區有女神》。

多謝粉絲支持

另外，雪雪婚前特別為東網巨星拍攝節目《區區有女神》，返回母校城大與師弟妹互動，節目一播出街就大爆點擊。她興奮地說：「雖然當時忙拍劇又要籌備婚禮，但覺得呢個節目好有意思，真係多謝一班粉絲支持，我會繼續keep住女神feel。」

文：影視組