張秀文保守未合格做尤物

「是非精」張秀文、黃心穎、李佳芯等，昨日於電視城為節目《學是學非》第四季錄影最後一集，秀文日前被拍得與導演王晶密密斟工作，問到有何新計劃時，她說：「之前合作《男神訓練營》，最近幫手配音，或者佢覺得我夠放得開，可能都會有合作機會，有啱嘅角色可以發揮吓。（會考慮性感演出？）睇番以前啲晶女郎，好多都係經典，個個都好性感，不過我哋冇傾性感，係傾緊喜劇，但如果着泳衣喺沙灘拍我都OK！（有諗過性感尺度？）唔知呀，睇番啲晶女郎，發現原來自己都算保守，如果落實咗再傾細節啦。我都唔係嗰種性感尤物，要我咁演可能會忍唔住笑，但可能因為咁，啲觀眾會鍾意呢？」