馬國明有樓揸手Niki唔稀罕
藝人馬國明、周麗淇（Niki）和朱千雪昨日在粉嶺出席無綫劇《流氓皇帝》之「相逢是有緣」活動，與老人家大玩遊戲及共嘗齋菜。首次出席劇集宣傳的Niki見到老拍檔馬國明即鬥嘴鬥到尾，說到馬國明早前買樓，問Niki會否上門拜訪？她即笑指此舉只會令其母「傷心」：「會話我又煲啲冇米粥！」擺明向馬國明大派檸檬，令馬國明即謂：「唔緊要！我由細到大最鍾意飲檸檬茶o架喇！」Niki就非常搞笑，問他「使唔使加糖」之餘，又笑謂會好好考慮接受男方。
扮得靚冇人收貨
而講到收視高如何答謝觀眾時，Niki就指扮得靚靚會冇人收貨，一向口花花的馬國明即謂：「點會唔收貨，我收貨！」惹得哄堂大笑。
另外，提到好友岑杏賢無意與袁偉豪再續前緣，朱千雪就重申兩人已經正式分手，女方亦收拾好心情：「Ben（袁偉豪洋名）話攞假請佢食飯，但佢話要食咗我餐攞獎飯先。（攞你做擋箭牌？）唔係啦！」
此外，袁偉豪與楊詩敏（蝦頭）前晚在劇中上演一幕重口味劇情，飾演山寨首領的蝦頭幻想攬咀袁偉豪，令不少網友嘩然，又讚蝦頭演技夠放！
文：影視組