眾女星中招鬧變態湯怡想報警！

英皇藝人湯怡日前在網誌上載一張署名「Vuru Chen」的網絡淫魔私訊截圖，圖中有一張對方對着電腦疑似「露J」自瀆的相片，顯示屏清楚見到是她穿短裙露長腿的相片，淫魔更寫下露骨留言「你好正喔，腿又超美的，看得都忍不住了……」不少人都留言直斥變態。

睇完留陰影

原來受害人並非只得湯怡，剛在澳門奪得「最佳新晉演員獎」的藝人余香凝亦留言指收到同一人的淫穢私訊，而女歌手陳詩欣更收到對方的自瀆短片，一眾娛樂公司為防旗下女藝人出席活動遭騷擾或偷襲，將提高警覺及增加工作人員保護藝人。

湯怡昨日透過電話自言遭性騷擾，她說：「第一次收到，簡直性騷擾同變態，即時舉報同封鎖佢。（報警？）有考慮過，不過唔想搞大件事，希望佢盡快收手唔好再騷擾人。」湯怡坦言收到變態私訊翌日，腦海不停浮現這個畫面，她說：「真係好大陰影。」並承認曾向男友洪卓立求救，洪卓立即出手教她封鎖對方，問到日後會否減少將露腿相上載網誌？湯怡說：「係某啲人用歪念作其他用途，唔會特別避忌。」

最怕精液手

至於余香凝則說：「佢係咁Send嚟，因為公司有幫我管理公開網誌，公司有叫我去報警。」她坦言最擔心出公開活動會「中伏」：「驚出活動有危險，唔知佢咩樣，最怕佢係日本嗰啲『精液手』，唔講咁恐怖，佢行埋嚟偷襲摸一摸都慘啦。」而收到淫迷短片的陳詩欣說：「好變態同核突，唔只Send相，仲Send片，好惡心，公司好緊張，叫我記得留底同報警。」她表示最驚對方待她出席活動時有所行動。

文：音樂組