湛琪清跟子丹學武 勁到呆
汪詩詩表妹湛琪清（Jessica）雖然外表弱質纖纖，但原來早前拍攝荷里活電影《Kickboxer Retaliation》做打女，此戲演員分量十足，分別有男星尚格雲頓（Jean-Claude Van Damme）及前世界重量級拳王泰臣，她更與尚格雲頓有對手戲，Jessica為此請教「宇宙最強」表姐夫甄子丹，她說：「佢有教我點樣打會勁啲，又示範咗詠春、MMA，我睇到呆咗，真係好勁，但我一啲都學唔到，我自己都有喺外面學，每日逼自己打3至4個鐘，最後練到隻腳可以踢到上個頭度，但有次跌倒搞到Pat Pat瘀咗。」
新歡啱晒Feel
Jessica難得今年首次留港過聖誕節，但遇上表姐一家不在港，眾人準備提早慶祝，而她為答謝表姐一家，到酒店取經試菜如芝士油炸鬼及「食神飯」：「我想整Fusion菜過聖誕！」她更笑言屆時希望由子丹彈琴及其女兒唱歌，自己則跳舞助興。提到感情，她表示有正約會中的異性，仍在了解中，不想給大家壓力，又大讚追求者符合擇偶要求：「要對我屋企人好、勤力、性格要同我夾、要同我溝通到，佢都符合晒，慢慢嚟，適當時間會公開。」
化妝：王穎、Siu Mei@iMakeup Workshop
場地：九龍貝爾特酒店
服裝：Alice McCall
