萬綺雯 呂頌賢 舊愛同場 楊怡變夾心人

藝人楊怡、萬綺雯、黎燕珊、朱慧敏、梁琤、呂頌賢及黃德斌等，昨日到葵涌排練舞台劇《我和春天有個約會》，舞台劇將於1月在上海演出。蚊蚊與呂頌賢25年前曾拍拖，蚊蚊指雙方沒有聯絡，上次合作已是8年前的亞視劇《法網群英》，問到再次見面可會尷尬？她立即請楊怡代答，楊怡說：「唔會！依家都二十世紀！」蚊蚊續說：「係囉！唔尷尬，都排咗咁多日。（如果演你男友得唔得呀？）到時先算啦！依家佢演阿怡男友。」蚊蚊口說不尷尬，但記者要求她與呂頌賢合照時，她卻非常扭擰，更立即找楊怡做擋箭牌企中間，呂頌賢亦尷尬地說：「唔好搞呢啲嘢喇！我已經有家室！」最終三人齊齊合照。

首次演舞台劇的楊怡最驚發台瘟忘記對白。

楊怡（左起）、梁琤、萬綺雯及黎燕珊為舞台劇排練歌舞。

處女演出驚發台瘟

至於首度演舞台劇的楊怡心情緊張，她坦言擔心屆時會發台瘟忘記對白：「愈熟愈會甩，之前真係試過個腦突然一片空白，好考執生！（怕唔怕到時唔記得對白？）唔好講！唔好嚇我，之前唔記得對白我都有打自己！」蚊蚊聞言即大讚楊怡已很叻女，短短一星期已記熟整個劇本。

提到有份演出的無綫劇《致命復活》在頒獎禮食白果，問到可有失望？蚊蚊說：「唔會，一年咁多套劇，總會有唔同人攞，獎項又唔係我哋決定。（郭晉安視帝大熱倒灶，你有冇呵番佢？）佢好平常心(口架)！而且佢都得咗3次，已經係肯定。」楊怡則表示有留意賽果，並已恭喜得獎者：「今次係我入行後第一次冇參加台慶頒獎禮，但都戥佢哋開心！」

黎燕珊入戲開心咗

此外，黎燕珊今次演舞台劇戲份多，而且之前是由前輩米雪飾演其角色，故壓力不輕，她笑言最近無時無刻都入戲，被女兒指性格「開心咗」。她又透露已擔任仁美清叙四屆主席7年，是時候找人接棒，月底將投票選出新主席。

文：影視組