張頴康酒後亂性 麥雅緻：佢好變態
張頴康繼馬來西亞頒獎禮後，再下一城奪得無綫「飛躍進步男藝員」獎，太太麥雅緻對老公攞獎感難以置信，更爆張頴康賽前不想她到場支持：「老公問咗我好多次係咪真係嚟，因為之前收到好多朋友嘅祝福，佢有好大壓力，怕攞唔到會（火羅），令支持佢嘅朋友失望。」
一直恨再有小朋友的張頴康搞笑話，要藉住攞獎返屋企飲酒慶祝，同老婆大玩酒後亂性，麥雅緻則投訴老公不准她減肥：「佢好變態，唔畀我減肥，要我同佢生多個先至可以減。」問他們會否趁機前晚即造人？張頴康說：「之後實有機會，只要老婆肯……」說到此處，老婆麥雅緻不讓張頴康再講生仔，還出手掩住老公個口，張頴康掹開老婆隻手講多一次「好想要小朋友」，恩愛到爆！
