陳志健置業半年升值逾兩成

藝員陳志健與太太羅苡之出席保良局慈善舞會時透露忙搬屋，問是否睇好樓市而入市，羅苡之指6月時購入，現已升了逾兩成：「地產經紀話依家要700萬，我哋買時500幾萬。（你係格價高手？）咁都要精打細算。」但否認搬屋是計劃生B：「都係鍾意二人世界，雖然長輩有催，但兩個人都幾好，唔想轉變。（驚教唔掂小朋友？）香港環境教小朋友真係好大壓力，以前已經覺得自己好辛苦，一星期要補習幾日，又要學游泳、彈琴，依家啲小朋友仲誇張，未出世就要諗定學嘢，如果我生，想啲小朋友自由啲，有個快樂童年，但又會驚佢哋咩都唔識，會唔會生存唔到。」