被減三分一人工 待產翠翠決離巢
前港姐葉翠翠前晚佗着5個月身孕，腳踢3吋半高跟鞋，身穿黑色低胸短裙到北角出席老公周曉東公司的員工聖誕派對，其夫更以「二撇雞」Look亮相。翠翠坦承與無綫結束合作關係：「本來仲有兩年約，但依家已經冇約在身，係呢幾日嘅事，係和平氣氛下結束。（有冇爭TVB任何嘢？）冇，其實公司每年會更新合約，人工加啲或者減啲，結束合作係因為要減我三分之一人工，我明嘅，冇咗《姊妹淘》我做唔夠數，公司有挽留我，但因為公司緣故，好多時出席唔到老公公司嘅活動，老公啲朋友以為我好唔畀面，加上減人工，考慮番自己都喺公司十一年，係時候幫老公打工，全職服侍佢。」
