佘詩曼Die Hard粉絲 撐硬歐陽震華

視帝視后今晚揭曉，各藝人均有心水人選，兩屆視后佘詩曼力撐《一屋老友記》歐陽震華登基做視帝：「我係佢Die Hard Fans，知佢一定做得好。（傳王浩信同朱千雪爆冷？）咁獎得一個，拎到開心，冇咪下年再努力囉！視后我揀硬阿田（田蕊妮），佢《巨輪》已拎過視后，今次第二輯再提名，根本冇人對個角色了解夠佢深入，同埋佢真係演得好。」
佘詩曼
佘詩曼

有份提名「飛躍進步女藝員」的劉佩玥昨出席活動，表示《城寨英雄》的胡定欣是其心目中視后：「佢除咗係好演員，仲係好前輩，好肯分享經驗又成日鼓勵我。」雖然她支持陳展鵬封帝，但同時覺得郭晉安及黃宗澤各有千秋。

憑《城》劇角色成為「最佳女配角」大熱的王君馨力撐陳展鵬和胡定欣拎視帝視后；楊秀惠同樣撐胡定欣，但指郭晉安和陳展鵬同樣出色，該齊齊封帝；陳庭欣亦睇好胡定欣，郭晉安和歐陽震華則是她的視帝心水。

劉佩玥
  • 劉佩玥
王君馨
  • 王君馨
歐陽震華
  • 歐陽震華