展鵬 定欣 今晚等加冕 民選攞頭彩

萬眾期待的2016無綫台慶頒獎禮視帝與視后今晚便誕生，陳展鵬與胡定欣主演的《城寨英雄》無論收視與口碑都極好，據無綫名單內部走勢，繼續是陳、胡二人領先，順理成章成為視帝后大熱人選，而東網巨星所舉辦的《東網民選TV King & Queen》結果昨日出爐，陳展鵬與胡定欣分別以6,121票及5,599票，先贏得民選視帝、視后，這個賽果成為了二人今晚在台慶頒獎禮中爭奪最高寶座的一個重要啟示！

攞獎這麼近那麼遠

陳展鵬憑《城寨英雄》「拳佬」一角而深入民心，打到飛起的他憑劇集先後奪得馬來西亞及新加坡視帝寶座，如今再下一城先奪民選視帝，展鵬先感謝網民投票給他。提到他若今晚於台慶頒獎禮中奪視帝就成就了「大滿貫」，他說：「諗到都開心嘅，拎獎嘅感覺係好似好近、又好似好遠，但每一年都愈來愈近！」又直言「拳佬」一角是自己一直等待的角色，單純得來又有動作戲！

與陳展鵬合作無間的胡定欣，在《城》劇中同樣打到飛起，加上大騷Fit到漏身材，贏盡觀眾歡心，今年更與展鵬一樣，奪馬來西亞及新加坡視后，直言在頒獎禮前夕，得知先贏民選視后確實打了一支強心針，並感謝觀眾投票給她。被問心情會否緊張？胡定欣說：「冇諗咁多啦，要執嘢去台灣，頒獎禮之後就要早機飛台灣拍《同盟》外景。」談到若今晚奪視后，就成為香港、新加坡及馬來西亞三料視后，她說：「如果係咁就係一個圓滿結局啦，係一個大收穫，大家為呢套劇付出好多，希望有好成績！」

三屆視帝贏輸都包容

至於陳展鵬的強敵郭晉安，已奪三屆視帝，今次在《致命復活》中的角色被綁架十年，演技上將身、心創傷的心路歷程呈現觀眾眼前，絕對是視帝級人馬的功力印證。不過，安仔早已視演戲為藝術，而藝術與商業不一定並存，故以包容的心面對今晚結果，視獎項如浮雲的他直言今次已過足戲癮。

安仔說：「我拍戲唔係為有冇獎攞，我演戲到今日，已視為一種藝術，但呢樣嘢冇一個標準，但又必須有個認受性，而呢樣認受性係會影響觀眾對劇集嘅睇法，既然兩者唔一定並存，我要有個包容心，就算得與唔得（視帝），我都會包容，因為視帝呢個獎都好主觀，有嘅都唔可以代表佢成功或成就，不過，遇到呢種有戲味嘅劇本，我已經好開心，（贏視帝？）有得贏獎係另一個肯定，既然觀眾咁鍾意個劇，咁就投我一票啦！」

文：影視組