鄧穎堯愛犬瀨屎發洩

模特兒鄧穎堯（YoYo）視三歲愛犬Bubble為囝囝，每晚都會攬住對方入睡，更不時帶牠出街散步及行山。YoYo說：「佢好乖，每次帶佢出街都唔會四周圍走，見到佢開心我都開心。」她透露Bubble非常黐身，行到邊跟到邊：「可能佢細細個我已經成日同佢傾偈，有時唔開心會攬住佢，佢好似知我唔開心，會不停伸脷舔我。一家人入面佢特別黐我，同埋見到我會好開心伸脷。」問到有冇難忘事？YoYo哈哈大笑，自爆遭Bubble以瀨屎發洩不滿：「有次佢趁屋企人唔喺度，喺梳化跳落地整斷腳，帶咗佢去睇醫生同做手術，點知接佢返屋企時，竟然喺我條裙上面屙咗舊屎。（有冇鬧佢？）冇，佢嘅行為好似要話我知佢好唔開心同好痛，埋怨我哋咁遲先接佢走，好似一個投訴，因為佢未試過屙喺人身上。」