糖妹怕嘥 追完夢先嫁
歌手糖妹憑無綫劇《幕後玩家》飾演「Da姐」一角而人氣急升，回顧今年，她直言是大豐收的一年：「大家聽多咗我嘅歌，新歌《實驗青春》後就出劇，所有嘢都好順利，啱晒時機，係時間話畀大家聽糖妹長大喇！」她又自言今年要供年輕11年的弟弟到外國讀書，果然大個女！
鍾情「笑」男
明年30歲的糖妹坦言最重要是健康，目標35歲能在紅館開騷，感情卻放到最後：「依家單身！我覺得要滿足自己人生目標，滿足唔到就嫁咗係嘥咗，但又唔介意嫁咗先開演唱會。（閃婚？）唔係問題！係了唔了解先係問題，唔好沖昏腦袋。」不過，她亦承認自己是個一拍拖就廢寢忘食的人，故要好好自我控制。提到長輩有否施壓？糖妹透露婆婆會越洋打電話追問，又會介紹相睇：「我唔會囉！我好怕，愛情要自己鍾意，我鍾意高大有安全感，同有陽光笑容。」
提到聖誕節目，糖妹透露若不用工作，便會相約朋友去行山及野餐，更煮得一手中菜宴客：「試過野餐煮蒜泥白肉、日式章魚，搞到成晚冇瞓，但大家都好鍾意，好有成就感！」
文：名人組
場地：愉景灣
服裝：Lily Brown
