歌手關心妍（Jade）前晚出席青少年進步獎頒獎晚宴，受訪時Jade表示已第二年出席活動：「上年我大住肚去，喺後台又暈又嘔，但後尾都有鼓勵學生。」為慈善她不惜暫時放下4個月大的囡囡，問到仍在放假的她何時復工？Jade說：「未知啊，因為成個心都喺個女身上，加上就快過節，屋企人會嚟香港見囡囡，或者要等囡囡打完防疫針先放心復出。」她又笑言未想生第二個，她說：「搞掂呢個先啦，我想將我嘅愛畀晒佢先，唔想咁快分薄咗。」
