楊秀惠 冇拖拍 搵老竇做情人
藝人楊秀惠昨日為旗下美妝店拍攝新一輯宣傳片，她透露其店舖稍後透過微商發展內地市場，新加坡新店則於下月開幕，裝修由父親親自監督。她說：「爸爸就係我男友，我係佢前世情人。（咁忙點拍拖？）個天可以畀個好錫我嘅人我呢！身邊係有好支持我嘅人，感恩擁有一切，希望個天送個獎畀我。」提到網上流傳明日舉行的台慶頒獎禮得獎名單，指秀惠奪「最佳女配角」，她說：「如果可以變成事實就更開心，入行12年好多謝公司有好多機會畀我。」
對於無綫於明年推出「大台網」，秀惠認為此舉對藝人絕對有利。問到會否與無綫斟洽，將她旗下美妝店產品加入其中？秀惠坦言若公司有意，必定配合。