定欣有運行 鍾嘉欣屬水累事
城中盛事《萬千星輝頒獎典禮2016》將於本周日舉行，眾好戲之人角逐視后寶座，當中呼聲最高當然要數上屆視后胡定欣，但萬綺雯憑無綫台慶劇《致命復活》中途殺出，二人鬥得難分難解！東網巨星推出的節目《玄學星相》，最新一集邀得堪輿學家李居明，以玄學角度解構視后寶座花落誰家。
行「正官運」
無綫劇《城寨英雄》大獲好評，女主角胡定欣的演出亦備受肯定，難怪成為賽前熱門人選，但原來萬綺雯亦有機會封后，李居明說：「因為胡定欣屬金，而今年係金年，佢亦行『正官運』，所以佢可能冧莊攞多次視后。不過，萬綺雯都有機會，因為佢本身屬弱木，頒獎嗰日係水木日，其實好利佢，如果表現再好啲，佢絕對有機會挑戰胡定欣。」
至於曾多次獲提名視后的鍾嘉欣，都未能獲獎，李居明說：「因為頒獎禮通常喺12月舉行，冬天有好多水，鍾嘉欣本身屬水而太多水，只要喺冬天頒獎，佢從來都唔會有機會攞獎。反而喺夏天頒獎，佢就攞硬獎！」想繼續聽師傅點講？只要Click入東網巨星的「視娛樂」，睇《玄學星相》就更啱Feel！
文：專案組
【https://goo.gl/rG4JoR】